Franca e mbyll me humbje Nations League. Danimarka arriti ta mposhte me shifrat 2-0 në Kopenhagen duke i shkaktuar humbjen e 2 të besuarve të Deshamps që u pozicionuan në vendin e tretë të grupit 1 në Ligën A.
Ndeshja e fundit përpara startit të Kupës së Botës që nxjerr në pah gabimet e shumta të kampionëve në fuqi. Mungesat e shumta dhe ngarkesa e madhe fizike që kanë lojtarët nga këto ndeshje të ngjeshura në kalëndar mun të jenë një pjesë e justifikimit për “gjelat”.
Didier Deschamps është shprehur pas takimit tepër i qetë mbi situatën në ekip: “Nuk mendoj se është një mbytje anije, ne patëm shumë raste, por ishim të paefektshëm, bëmë disa gabime në prapavijë. Ishte një skuadër e re franceze, ku për shumicën e lojtarëve nuk kanë përvojën e duhur në këtë nivel. Nuk ka nevojë të shqetësohemi, kthimi i lojtarëve me eksperiencë do të na bëjë mirë. Nuk ka asnjë shqetësim, është e vështirë për të gjithë. Mbrëmë po shikoja ndeshje të tjera, ka edhe ekipe të tjera të mëdha që po humbasin. Ne nuk duhet të mendojmë për veten më të mirë se të tjerët. Do të na duhet të luftojmë”.
Lexo gjithashtu
