Ditën e djeshme startoi “Abissnet Superiore” për vajza. Është mbyllur java e parë e kampionatit dhe vajzat e Vllaznisë, kampione në fuqi e nisën me këmbën e mbarë duke mposhtur Partizanin në transfertë me rezultatin 0-3.
Një humbje që la një shije të hidhur tek “Demat”. Edhe pse humbën përballë një ekipi si Vllaznia, duket se kjo disfatë nuk është pritur mirë nga trajnerja e Partizanit, Aurora Seranaj, e cila ka reaguar në profilin e saj zyrtar në ‘Facebook’.
“Dhamë gjithçka, kishim kundrejt një skuadër Kampione e kompletuar në çdo aspekt. Duhet vetëm guxim, ose ndoshta arsye e shëndoshë për të kuptuar se mësimet më të mira janë zakonisht më të vështirat dhe se shpesh ndër këtë të fundit ka disfatë. Ky është vetëm fillimi. Nuk do të ndalemi me kaq. Rikthehemi duke punuar akoma më fort”, shkruan Seranaj.
Lexo gjithashtu
