Presidenti i Federatës Shqiptare, Armand Duka ka dhënë një intervistë të gjatë për "telegraf" ku mes të tjerash ka folur edhe për rënien e Tiranës në Kategorinë e Parë.
Pyetjes se nëse mund ta quajmë si ngjarjen e vitit 2017 rënien e Tiranës në Kategorinë e Parë, Duka u përgjigj duke thënë se nuk varet nga Federata.
"Duhet të kemi parasysh që, oshilacionet e ndonjë klubi nuk varen nga menaxhimi i FSHF-së, por varen nga vetë ata dhe nga rrethanat, konkurrenca, apo fati (shumë i rëndësishëm në futboll). Këtë specifikim mund të them edhe për rastin e Tiranës.
Tashmë futbolli ka ndryshuar shumë. Holanda dhe Italia nuk janë në Botëror, dhe për këtë ju mendoni se duhet akuzuar FIFA? Sigurisht që FIFA i do ekipet e mëdha, por vendos fusha. Tashmë në Evropë jemi përballë realiteteve të reja, natyrisht që ndiej keqardhje, pasi si tifoz, dëshiroj që të shoh fanella dhe emra të mëdhenj në fushë."
Lexo gjithashtu
