Teuta do të nisë të luajë nesër në orën 20:00 në “Niko Dovana” takimin e parë të raundit të parë eliminator të Europa League. Kundërshtar do të jenë kazakistanasit e Kairat Almaty. Ekip që dy vite më parë ka eliminuar Kukësin, ndërsa durrsakët nuk i tremben këtij rivali, por besojnë te forca e grupit.
[caption id="attachment_11055" align="alignleft" width="300"]
Bledar Hodo dhe shokët e tij të skuadrës në një ndeshje kampionati[/caption]
I kontkatuar nga “newsport.al”, kapiteni i durrsakëve, Bledar Hodo, shprehet se Kairat është ekip që duhet vlerësuar për vet faktin se ka në përbërje edhe disa futbollistë me emër në europë dhe botë. “E vlerësojm si skuadër kundërshtarin e parë që do të kemi përballë nesër. Edhe ne jemi përgatitur për të dalë në raundin e dytë të Europa League, por kualifkimin do ia lëmë fushës. Është ende herët për të folur, pasi ata kanë skuadër shumë të fortë, ndaj na duhet që të punojmë që të sigurojmë rezultatin. Do të jetë pozitive që nesër të mos pësojmë. Por, duke besuar te forca e grupit, nesër mendoj se ne do të dominojmë. Ata kanë yje në ekip, por nuk iu trembemi”, përmbyll kapiteni i durrsakëve.
Lexo gjithashtu
