Futbolli gjerman është sy e veshë tek “Der Klassiker”. Java e 10-të e Bundesligës pritet të dhurojë spektakël dhe gola. Dortmundi dhe Bayern Munich do të përballen për të luajtur të ashtuquajturën Klasiken e futbollit gjerman.Një ndeshje mjaft interesante dhe e fortë që do të startojë në orën 18:30.
Të dyja ekipet do të kërkojnë 3 pikët për tu vënë në ndjekje të Bayer Leverkusen që kryeson kampionatin gjerman. Dy ikonat e e Bundesligës janë gati që të përballen në një ndeshje që gjithnjë ka krijuar emocione. Si Dortmundi ashtu dhe bavarezët kanë si qëllim fitoren duke synuar gjithnjë titullin kampion. Aktualisht Bayern Munich ka 25 pikë, ndërsa verdhezinjtë kanë grumbulluar 21 të tilla.
“Signal Iduna Park” e ka treguar gjithnjë që është një transfertë e vështirë për tu fituar dhe bavarezët duhet të derdhin djersë për 3 pikët. Favorit në letër janë bavarezët pavarësisht eliminimit turpërues nga Kupa përballë ekipit modest të Saarbrucken.
Lexo gjithashtu
