Eden Hazard është befasuar nga emërimi i Domenico Tedesco në stolin e kombëtares belge. Ai është larguar përfundimisht nga Belgjika dhe nuk do të luajë më në futbollin ndërkombëtar. Por lojtari i Real Madrid priste që në vend të Roberto Martinez në stol të vihej zëvëndësi i tij Thierry Henry.
“Prisja që ata të sillnin Thierry Henry”, thotë Hazard për RTBF. “Unë e kuptoj procesin e përzgjedhjes, dëshirën për të mbyllur kapitullin e Martinez dhe për të ecur përpara. Personalisht nuk e njoh Domenico Tedesco, por më kanë thënë se është një trajner shumë i mirë. Ai ende ka një Hazard në ekip, kështu që ai mund të bëjë punë të mirë”, është shprehur lojtari i Real Madrid.
