Thomas Muller ka këmbëngulur se “nuk ia vlen të flitet” për transferimin e mundshëm të Harry Kane te Bayern nga Tottenham.
“Në fakt i kam thënë vetes se për sa kohë që diçka nuk bëhet, nuk ia vlen të flitet”, tha sulmuesi i Bayernit për “Bild”.
Kur u pyet më tej nëse i pëlqente Kane, ai u përgjigj duke qeshur: "Unë nuk njoh askënd që nuk e pëlqen atë".
Bayern bëri një ofertë fillestare prej 70 milionë eurosh për Kane, e cila u refuzua nga prezidenti i “Spurs”, Daniel Levy. Drejtuesit e skuadrës angleze e kanë bërë të qartë se ata nuk duan të heqin dorë nga kapiteni i tyre dhe nëse diçka e tillë do të ndodhë do ta bënin vetëm për 100 milionë euro.
Mbetet të shihet se çfarë do të ndodhë deri në fund të kësaj merkatoje, me Bayern që vazhdon të këmbëngulë për shërbimet e anglezit për të siguruar golat për sezonin e ri.
Lexo gjithashtu
