Erling Haaland është lojtari më i spikatur i momentit. Një sulmues shtatlartë dhe me shpejtësi të jashtëzakonshme ka rrëmbyer zemrat e gjithë tifozëve të Cityt. Me zbarkimin e tij në Premier League vëmedja dhe fama e tij është çdo ditë dhe në rritje.
Ditët e fundit shumë sponsor janë të gatshëm për të firmosur një kontratë me yllin norvegjez. Menaxherja e Haaland është shprehur duke deklaruar: “Nuk më ka ndodhur kurrë të shoh një interes kaq të madh nga sponsorët për një futbollist. Kam 20 vite në këtë treg dhe kjo gjë ndodh për herë të parë me Haaland. Shumë shpejt do të njoftojmë një marrëveshje sponsorizimi, që do të jetë padyshim më e shtrenjta në historinë e futbollit. Është folur shumë që vlera e kartonit të tij mund të shkojë në 1 miliardë, por në të ardhmen e afërt nuk besoj se mund të ndodhë diçka e tillë. Ndoshta shumë vite më vonë, mund të ketë klube të gatshme të paguajnë një shifër të atillë për një futbollist”.
Lexo gjithashtu
