Haaland është futbollisti i momentit në botën e futbollit. Norvegjezi ka shënuar 12 gola në 7 ndeshje në Premier League dhe Champions League. 22 vjeçari është kthyer në makthin e mbrojtësve kundërshtar të cilët nuk po arrijnë të ndalin vrullin e norvegjezit. Jaap Stam, ish-mbrojtësi i Manchester United dhe Milan u vjen në ndihmë atyre që duan të markojnë Haaland.
“Ndaj Haaland duhet të jesh shumë agresiv. City është një ekip që luan shumë me topin dhe ti duhet t’i bësh presion në gjysëmfushën e tyre. Një nga mbrojtësit duhet të qëndrojë shumë pranë Haaland dhe të mundohet ta nxjerrë jashtë loje. Kur skuadra humbet posedimin nuk duhet lejuar që topi të shkojë te Haaland sepse rrezikon shumë në duelet një kundër një.”
Në këtë mënyrë, skuadra do të vendosej në vështirësi ndaj duht të tregohesh agresiv kundrejt tij. Nëse do ishte në dorën time, do të vendosja një mbrojtës agresiv në markimin e tij dhe një tjetër që të mbulonte hapsirat.”- u shpreh Stam.
Lexo gjithashtu
