Përpara sfidës me Leicester në Premier League trajneri Pep Guardiola foli për shanset e Manchester City për fitimin e kampionatit. Për spanjollin është me rëndësi fitorja nesër në “Etihad” pasi kështu do t’i mbante gjallë shpresat për titull.
“Kemi shumë ndeshje për të luajtur deri në fund dhe kjo na ndihmon. Të gjithë e dimë se nëse i humbim këto ndeshje nuk e fitojmë titullin, prandaj ambiciet dhe vëmendja jonë janë të larta.
Nesër është e njëjta gjë, nëse humbasim me Leicester nuk do të jemi kampionë. Nëse fitojmë mund të jemi sërish në garë, megjithëse nuk duhet të harrojmë se jemi 6 pikë prapa Arsenal, një skuadër që kanë humbur vetëm disa pikë gjatë sezonit dhe që luajnë një ndeshje në javë me shumë kohë për t’u rikuperuar. Problemi ynë është që Arsenal ka qenë fantastikë deri më tani”.
Tekniku u pyet gjithashtu dhe për mesfushorin e Dortmund, Jude Bellingham. E ardhmja e anglezit është lidhur me shumë skuadra angleze që janë në kërkim të tij. Në media është përfolur më shumë për Liverpool dhe Manchester City. Por Guardiola e ka një përgjigje.
"Bellingham? No comment. Sa konferenca për shtyp duhet të vish këtu. Duhet të përgatitesh më mirë. Pyetja tjetër...”
Lexo gjithashtu
