
Manchester City dhe Arsenal nuk shkuan më shumë se barazimi pa gola në “Etihad Stadium” një sfidë direkte mes dy ekipeve pëer titullin kampion, por nuk ia dolën të fitojnë 3 pikët.
Ky barazim shkon në favor të Liverpool, i cili triumfoi ndaj Brighton dhe tashmë kryeson Premier League me 2 pikë më shumë se Arsenali dhe 3 më shumë se Cyti. Pikërisht për garën për titullin, Pep Guardiola ka theksuar se tashmë asgjë nuk është në dorën e tyre dhe “The Reds” janë favorite kryesorë për të triumfuar në fund.
“Po. Kushdo që është i pari është favorit, i dyti (favoriti) është Arsenali dhe ne jemi të tretët. Nuk është në duart tona. Gjithçka që mund të bëjmë është të mendojmë për ndeshjen e radhës kundër Aston Villa. Nëse jeni në krye të ligës, siç kemi qenë më parë, ju jeni favorite”, ka theksuar Guardiola.