Ka qenë spektakolare ndeshja e zhvilluar mbrëmë mes Gremio dhe Lanus. Ndeshja e parë finale mes dy ekipeve për Coppa Libertadores ka parë si fitues në ndeshjen e parë brazilianët e Gremios me rezultatin 1-0. Ndeshja që u zhvillua në "Arena do Gremio" në Porto Alegre nxorri triumfues vendasit.
Një takim i "luftuar" nga fillimi e deri në fund ku rastet nuk munguan për asnjë nga ekipet. Do ishte Cicerio që në minutën e 83-të të takimit do i jepte fitoren brazilianëve. Kjo fitore vlen shumë për ekipin nga Porto Alegre i cili do udhëtojë drejt Argjentinës me një avantazh në ndeshjen e kthimit për kupën më të rëndësishme në kontinentin amerikano latin. Te ekipi i Gremios aktivizohen edhe lojtarë si Barrios, ish-sulmues i Borussia Dortmund dhe Luan, talenti brazilian dhe një nga pretendentët për të qenë pjesë e Brazilit në Botërorin 2018.
Lexo gjithashtu
