Magjia e grupeve të Champions League rikthehet sot në mbrëmje, teksa ksuadrat do të kërkojnë fitoren. Ditën e nesërme do të jetë radha e Union Berlinit për të zbritur në fushë, ndërsa përballë do të kenë Real Madrid.
Gjermanët do të debutojnë në këtë kompeticion, ndërsa nuk u tremben gjigandëve spanjollë. Robinn Gosens në konferencen për shtyp në prag të kësaj sfide ka theksuar se skuadra e tij do të luajë pa frikë, ndërsa u kujton madilenëve se skuadrat e vogla vendosin shumë për fatet e Champions.
“Nëse nuk jeni të kujdesshëm, rrezikon të bëhet një përvojë shumë e hidhur. Habia dhe frika janë dy gjërat që nuk na duhen. Do të kemi nevojë për vetëbesim dhe për t’u argëtuar. Në rastin më të mirë, ky kombinim duhet të na sjellë të luajmë një lojë e madhe.
Të luash në atë stadium është një përvojë unike. Jo të gjithë lejohen ta bëjnë këtë. Mendoj se dy gjëra janë të rëndësishme: së pari, mos harroni të shijoni lojën. Por nuk duhet të harrojmë se janë 90 minuta futboll në të cilat edhe të vegjlit mund të lëndojnë të mëdhenjtë. Ka shumë shembuj të kësaj në futboll. Dhe ne duhet t’i qasemi ndeshjes me këtë qëllim”, ka theksuar ish-i i Interit.
Lexo gjithashtu
