Mesfushori i Bayern Munchen Leon Goretzka ka folur për shkarkimin e trajnerit Julian Nagelsmann. Tekniku u shkarkua pak ditë më parë nga bordi drejtues i Bayern dhe u zëvëndësua menjëherë nga Thomas Tuchel. Ekipi bavarez ka pasur një ecuri të shkëlqyer në Champions me Nagelsmann këtë vit, por ka zhvilluar një kampionat me luhatje dhe tani renditen të dytët.
Drejtuesit e justifikuan shkarkimin me formën e dobët në Bundesliga dhe raportet jo të mira në dhomat e zhveshjes. Por Goretzka shprehet se nuk ka pasur ndonjëherë probleme me teknikun dhe gjithçka shkonte mirë.
“Unë nuk kam pasur asnjë problem me Nagelsmann”, shprehet Goretzka. “Nuk e di si është për të tjerët, por mund të them se ai nuk humbi dhomën e zhveshjes. Lajmi për shkarkimin e tij ishte shokues. Ne lojtarët jemi të gjithë të surprizuar”.
Lexo gjithashtu
