Erzeni barazoi 0-0 me Teutën, ndeshje e vlefshme për javën e tretë të Superiores. I konsideruar si derbi përballja mes këtyre dy skuadrave, rezultati pa gola ka nxitur polemika të shumta në vend. Muhamet Veliu ka reaguar për golin e anuluar nga gjyqtari anësor në dëm të shijakasve.
Në një postim të bërë në rrjetet sociale, gazetari i njohur shkruan se gjithçka ka qenë e qëllimtë. Në facebook-un e tij, ai kritikon faktin se si i janë mohuar 6 pikë në 2 ndeshje Erzenit.
“Nuk ishte gabim trashanik i anësorit, por vijimi i maskaradës disa vjeçare në futbollin shqiptar ku rezultatin në fund nuk e prodhon loja në fushë, por vendoset në dhomat e telekomanduara të arbitrave. Dhe në fund për të dytën herë pas ndeshjes me Kastriotin, e pëson Erzeni. 6 pikë të grabitura. 6 pikë të merituara. Turp!”
Lexo gjithashtu
