Egnatia ka fituar 3-0 me Vllazninë në Rrogozhinë. Për javën e katërt në Superligë, skuadra e Tetovës i ka dhënë leksion Vllaznisë, duke ulur me këmbë në tokë shkodranët.
Dy fitoret me Kukësin dhe Tiranën duket se janë harruar nga Vllaznia, që merr një humbje në një fushë të vështirë. Golat për Egnatian janë shënuar nga Delange në minutën e 22 pas asistit të Mustës, me këtë të fundit që vetëm dy minuta më vonë do shënonte golin e dytë.
Në të 62 minutë, Camaj i ka vënë vulën kësaj ndeshje për 3-0. Pas javës së katërt, Egnatia merr vendin e dytë, duke e bashkëndarë me Vllazninë, në kuotën e gjashtë pikëve.
Pas ndeshjes për Oversport foli njeriu i ndeshjes, Emiljano Musta.
“Kënaqësi kur shënoj por tri pikët na japin qetësi. E nisëm me dy humbje, jemi ekip i ri dhe duam kohën tonë.
Oreksi – Futbolli është i çuditshëm, siç të jep ashtu edhe të merr. Me Partizanin dhe Tiranën bëmë mirë por nuk morëm pikë. Këtu është ambient i mrekullueshëm, po bëjmë qejf dhe pikët do vijnë. Është mirë kur ekipi shënon dhe ti jep asist. Po vuanim ato minuta. Goli i balancoi të gjitha. Ndihem mirë dhe ia dedikoj skuadrës, jam i qetë dhe mendojmë vetëm për futbollin. Shpresoj të shtohen shumë presidentët si Demrozi, të bën të mendosh për futbollin dhe asgjë tjetër. Të mendojmë për ndeshjen e radhës.
Goli – Nuk është hera e parë që shënoj, prita sepse pashë lëvizjen e mbrojtësit dhe godita shtyllë-gol.
Driblimet e pesë kundërshtarëve dhe asisti – Sulmuesit e kanë instiktin të godasin, unë si mbrojtës më mirë të jap një asist sesa të bëj gol. Nëse sulmuesi ka besim dhe shënon është më mirë edhe për ne si mbrojtës”, tha Musta.
Lexo gjithashtu
