Disiplina ka zbardhur vendimet për javën që lamë pas në Kategorinë Superiore, por edhe në ato inferiore. Organi i drejtësisë sportive në vend ka qenë e pamëshirshme, referuar ngjarjeve të ndodhura në fushën e blertë.
Në njoftimin e bërë në kanalin zyrtar përmes ëebsitet raportohet se Andrit Bici është përjashtuar për 2 vite nga veprimtaritë futbollistike. Në të njëjtën kohë atij i mohohet hyrja në stadiume deri në përfundim të dënimit.
“Zyrtari i KF Gramshi, Andrit Bici,për dhunë ndaj zyrtarit të ndeshjes, në bazë të neneve 48/2 dhe 55/1 të KDS dënohet me 2 vite përjashtim nga veprimtaritë futbollistike, garat dhe ose nga kampionatet kombëtare. Në zbatim të nenit 20 të KDS, zyrtarit i ndalohet hyrja në të gjitha stadiumet dhe aktivitetet sportive të organizuara nga FSHF deri në përfundim të dënimit”, shkruhej në vendimin e Komisionit të Disiplinës.
Njëkohësisht skuadra e Gramshit ka humbur ndeshjen në tavolinë me rezultatin 3-0 pikërisht për dhunën e shkaktuar gjatë takimit.
Lexo gjithashtu
