Bayern Munich fitoi në “Allianz Arena” me rezultatin 1-0 përballë Union Berlin. Por një nga episodet që ra në sy në këtë sfidë, nuk ishte fitorja e bavarezëve, por ndërprerja e lojës në minutën e 74’.
Pikërisht në atë moment, Nenad Bjelica, trajneri i Union Berlin shtyu dy herë radhazi Leroy Sane. Ky i fundit nuk e toleroi duke shkuar drejt tij gjithë nerva. Të dyja stafet respektive u mblodhën aty dhe situata u mbyll me kartonin e kuq për trajnerin e Union Berlin. Por pavarësisht kësaj situate, tekniku kroat nuk e sheh të arsyeshme për t’i kërkuar falje sulmuesit të Bayern, duke thënë se ishte ai që e provokoi.
“Isha në zonën tipe dhe doja t’i jepja topin. Ai më shtyu, pastaj reagova siç e keni parë. Sigurisht kjo nuk mund të tolerohet dhe e kuptoj vendimin për kartonin e kuq. Por falje i kërkoj vetëm skuadrës sime. Nuk do t’i kërkoj Sane falje. Ai erdhi drejt meje duke më provokuar. Nuk kam çfarë të shtoj më shumë”, është shprehur 52-vjeçari.
Lexo gjithashtu
