Armando Sadiku ka nisur në aventurë të re në Indi. Sulmuesi i Kombëtares është transferuar te FC Goa. Palët kanë firmosur një kontratë 1-vjeçare mes tyre, me 33-vjeçarin që do të synojë të jetë protagonist në sezonin e ri.
Për kalimin te Goa ka folur elbasanasi. Ky i fundit shpehet mjaft i lumtur për këtë aventurë të re, ndërsa thekson se do të japë maksimumin që ekipi të fitojë trofe. Një ndihmë e madhe për të është trajneri i Goas, Manolo, të cilin e njeh nga koha kur ishte te Las Palmas.
“Jam i emocionuar që bashkohem me FC Goa, një ekip që e konsideroj si ndër më të mirët në Indi. Kam dëgjuar vetëm gjëra të mira për klubin dhe vendin nga të gjithë me të cilët kam folur.
Duke luajtur kundër Goas sezonin e kaluar, kam përjetuar drejtpërdrejt cilësinë dhe organizimin e fortë në mbrojtje të ekipit. Pasi fola me trajnerin Manolo dhe CEO Ravi Puskur dhe kuptova planet e tyre për sezonin, u binda plotësisht. E njoh trajnerin Manolo nga koha e tij në UD Las Palmas në Spanjë dhe besoj se mentaliteti i tij do të më përfitojë shumë këtë sezon.
Qëllimi im është të kontribuoj në çdo mënyrë të mundshme për të ndihmuar skuadrën të fitojë të gjithë trofetë për të cilët po konkurrojmë dhe të shënoj më shumë gola sesa kam bërë në sezonin tim të parë në Indi”, ka theksuar Sadiku.
View this post on Instagram
Lexo gjithashtu
