Tashmë gjithçka është zyrtare. Goncalo Ramos është lojtari më i ri i PSG-së. kampionët e Ligue 1 në këtë mënyrë përforcojnë repartin e sulmit me një nga talentet e të ardhmes. Lajmin e ka bërë të ditur vetë klubi nëpërmjet një postimi në rrjetet sociale. 22-vjeçari fillimisht është dhënë në huazim nga Benfica, teksa parizienët kanë të drejtën e blerjes së kartonit të lojtarit në fund të sezonit për shifrën e 80 milionë eurove. Ramos ishte një dëshirë e Luis Enriques, me portugezin që është vënë menjëherë nën urdhrat e trajnerit spanjoll. Kujtojmë se me fanelën e Benficas ka zhvilluar 106 ndeshje ku ka shënuar 41 gola dhe ka dhuruar 16 asiste.

« Maintenant, c'est à toi d'écrire l'histoire du Paris Saint-Germain ! »#WelcomeGonçaloRamos pic.twitter.com/Ec8afXyNFj

— Paris Saint-Germain (@PSG_inside) August 7, 2023