Ish-futbollisti, Gerard Pique është rikthyer duke folur për mediat. Një personazh i cili është komentuar shumë si për karrierën, por padyshim edhe për marrëdhenien me Shakirën, me të cilën është ndarë.
I ftuar në RAC1, Pique u fokusua tek futbollit, ku foli për kohët e arta të Barcelonës dhe duke kundërshtuar ata që thonë që ekipi i tij fitonte me arbitra.Kampioni i Botës me Spanjën në vitin 2010, gjithashtu “sulmon” ashpër Real Madrid. Pique thotë që Champions Leaguen e fundit e kanë fituar nga një “mrekulli” dhe se ishin inferior gjatë gjithë kompeticionit.
“Është marrëzi të thuash se ne fitonim me ndihmat e arbitrave, kur ne fitonim atëherë, i shkatërronim rivalët tanë në fushë me një lojë të shkëlqyer. Kur ne fitojmë, tifozët na kujtojnë përgjithmonë, kur fiton Reali, është një tjetër trofe. Fitorja e fundit e Realit në Champions League ishte një mrekulli sepse ata ishin inferiorë në çdo ndeshje, askush nuk do ta mbajë mend atë”, është shprehur ish-qendërmbrojtësi i katalanasve.
Lexo gjithashtu
