Ditën e dielë do të nisë zyrtarisht kampionati botëror “Katar 2022”, ku ndeshja hapëse do t ëjetë mes vendit organizator të Katarit dhe Ekuadorit, sfidë që do të luhet në orën 17:00. Një takim që pritet me interës nga të gjithë tifozët anembanë botës, pasi do të shënojë edhe hapjen e garës së Kupës së Botës. Katari është një nga vendet më të pasura në botë dhe siç duket kanë vendosur që paratë e tyre t’i shfrytëzojnë në maksimum për të arritur suksesn në kampionatin botëror. Një lajm i bujshëm vjen nga Amjad Taha. Gazetari arab pretendon se lojtarët e Ekuadorit janë korruptuar për të lënë ndeshjen hapëse me rezultatin 1-0. “Katari korruptoi 8 lojtarë të Ekuadorit me 7.4 milionë dollarë për të humbur ndeshjen hapëse (1-0, gol në pjesën e dytë). Pesë të brendshëm nga Katari dhe Ekuadori e kanë konfirmuar. Shpresoj të jetë gënjeshtër. Shpresoj ta shpërndajmë këtë dhe të ndikojmë te rezultati. Bota duket ta kundërshtoje korrupsionin e FIFA-s”, shkruan Amjad Taha. Ende nuk dihet nëse ngjarja është e vërtetë, apo mbetet thjesht një pretendim nga gazetari arab.

Exclusive: Qatar bribed eight Ecuadorian players $7.4 million to lose the opener(1-0 ⚽️ 2nd half). Five Qatari and #Ecadour insiders confirmed this.We hope it's false. We hope sharing this will affect the outcome.The world should oppose FIFA corruption.@MailSport #WorldCup2022

— Amjad Taha أمجد طه (@amjadt25) November 17, 2022