Milot Rashica u shpall kampion me Galatasarayn në Turqi, teksa me të përfunduar sezoni i përfundoi edhe huazimi. Lojtari i përfaqësueses së Kosovës është rikthyer tashmë te Norëich, skuadër që zotëron kartonin e lojtarit.
Por skuadra turke nuk ka hequr dorë nga lojtari. Drejtuesit kanë nisur punën për të risjellë sërish Rashicën në Stamboll dhe tashmë mbetet të shihet në ditët e ardhshme se çfarë do të ndodhë mes palëve.
Në lidhje me një rikthim të sulmuesit “dardan” te Galatasaray ka folur edhe trajneri i turqve, Okan Buruk, i cili ka theksuar se do të bëjnë gjithçka për Rashicën pasi të dyja palët duan të bashkëpunojnë.
“Ne duam shumë, po ashtu edhe Rashica do shumë që të bashkohet me ne. Të dyja palët do të bëjnë të gjitha llojet e sakrificave që marrëveshja të arrihet”, ka thënë Buruk.
Lexo gjithashtu
