Lajmi se futbollisti i Dortmund, Sebastian Haller, ishte diagnostikuar me kancer, bëri bujë në botën e futbollit me klube, lojtarë, tifozë etj që shfaqën mbështetjen e tyre për sulmuesin. Veç Haller, ishte edhe një futbollist tjetër, Boetius, që fatmirësisht sapo është kthyer në stërvitje duke e hedhur pas sëmundjen e rëndë. Ditën e sotme, një tjetër futbollist zbulon se është i prekur nga kanceri. Hubert Mbuyi-Muamba është 19-vjeçari i Hoffenheim që është detyruar të ndërpresë përkohësisht karrierën e tij. Adoleshenti i ardhur nga PSG në vitin 2021 është diagnostikuar me leuçemi dhe klubi gjerman ka njoftuar publikun në komunikim për shtyp. “Jemi të gjithë me ty! Futbollisti ynë Hubert Muyi-Muamba mësoi disa ditë më parë se ka leuçemi. Ai tani ndodhet në Francë për trajtim. Të urojmë të jesh sa më i fortë, Hubert.”

Wir stehen hinter dir! Nous sommes derrière toi! ⚪️

Unser U23-Spieler Hubert Mbuyi-Muamba hat vor wenigen Tagen erfahren, dass er an Leukämie erkrankt ist. Er befindet sich zur Behandlung in Frankreich. Wir wünschen Dir viel Kraft, Hubert pic.twitter.com/5gDeznxf1D — TSG Hoffenheim (@tsghoffenheim) November 4, 2022