Në deklaratën për shtyp para ndeshjes së madhe ndaj Francës, i pari që ka folur për kombëtaren e Argjentinës është portieri Martinez. Finalja që do të zhvillohet ditën e nesërme në orën 16:00 do të jetë dhe fundi i rrugëtimit të gjatë të Katar2022.
Gardiani i katërkëndëshit “Albicelest” nuk ka kursyer aspak Mbappe, duke mos e quajtur një lojtar të madh dhe se Franca është më shumë se një lojtar. Martinez nuk harroi pa përmendur dhe se në ekip kanë lojtarin më të mirë në botë.
Deklarata:
“Ne e dimë se është çmenduri pasi e nisëm me humbjen kundër Arabisë dhe kishim të njëjtin iluzion në çdo ndeshje, ishte si një kovë me ujë të ftohtë. Përmirësuam lojë pas çdo ndeshje, së pari donim të kalonim si të parët e grupit. Me Australinë vuajtëm shumë, pastaj penalltitë ndaj Holandës na ndihmuan ne. Ishte një rrugë e vështirë, por pas Arabisë thamë se nuk do ta lëmë vendin në gjendje të keqe dhe do të japim gjithçka për të luajtur në një finale botërori”.
"Ne ndihemi të afërt me tifozët, pas çdo ndeshje dhe në çdo fushë ne ndihemi vendas fal tyre. Ata të bëjnë të ndihesh sikur po luan në Argjentinë dhe ky është avantazhi i madh që na ndihmoi të hedhim pas ndeshjen e keqe me Arabinë."
"Ne po shikonim Francën, sepse ata mund të na kishin rënë në fazën e 1/16. Ne i kemi një analizë të mire dhe e dimë që ata janë kampionët e botës. Mbappe nuk është një lojtar i madh, ata janë të rrezikshëm në tre repartet e tyre, ata kanë shkëlqyer. Kanë një portier të mrekullueshëm. Franca nuk është vetëm një lojtar. Ne kemi masat paraprake ndaj tyre. E dimë se sa të mirë janë ata përpara në sulm, por ne do të përpiqemi të luajmë lojën tonë. Franca është shumë më tepër se Mbappe".
“Ne kemi avantazhin se kemi lojtarin më të mirë në botë dhe të luash me katër ose pesë mbrojtës është njësoj, sepse kemi këmbë shumë të forta”.
"Na pëlqen kur thonë se skuadra kundërshtare është favorite, sepse ne nuk ndihemi më superior se askush por as më të dobët se askush. Nëse kemi një natë të mirë në mbrojtje, kemi një shans për të marrë titullin."
Lexo gjithashtu
