Nëqoftëse kthehemi mbrapa në kohë, plot 6 vjet më parë, në lajmet sportive do të lexojmë që një skuadër pa shumë histori po ndërtohej me një plan ambicioz për të dominuar futbollin shqiptar.
Që nga ai sezon e deri më sot, Kategoria Superiore ka shënuar në librin e fituesve vetëm 1 emër, Skënderbeu i Korçës. Megjithatë, nga skuadra që fitoi titullin kampion të 6 viteve më parë, sot gjen vetëm 2 emra që janë ende me të njëjtin ekip, 2 portierët Orges Shehi dhe Erjon Llapanji. Të gjithë njohin vetëm të parin, pasi i dyti ka më shumë tituj kampion se ndeshje si titullar në kampionat gjatë këtyre 6 vjetëve.
Foto e mëposhtme tregon 11-shen titullare të Skënderbeut kampion në sezonin 2010-2011.
Orges Shehi vazhdon ende të mbrojë portën e korçarëve, ndërsa ku ndodhen futbollistët e tjerë të kësaj 11-she e mësoni mëposhtë.
Erbim Fagu e ka lënë futbollin pas një dëmtimi të rëndë. Tani ushtron profesionin e trajnerit të fëmijëve tek Akademia e Futbollit.
Ditmar Bicaj këtë sezon ka zgjedhur të luajë për Vllazninë e Shkodrës.
Endrit Vrapi gjithashtu është një futbollist i Vllaznisë.
Renato Arapi u largua këtë verë nga Skënderbeu ku fitoi 6 tituj kampion për të veshur fanellën e Partizanit.
Davor Bratiç luan në kategorinë e tretë austriake me skuadrën e Weiz.
Jetmir Sefa firmosi para pak ditësh për Kamzën në Kategorinë e Parë.
Gjergji Muzaka është pjesë e skuadrës së Tiranës.
Bledi Shkëmbi u tërhoq nga futbolli sezonin që përfundoi pasi fitoi 6 tituj kampion si kapiten i korçarëve.
Vlado Markoviç aktivizohet në kategorinë e tretë të Bosnjës me skuadrën e Mlladost Gacko.
Rafael Soza pas një aventure të dështuar me Laçin sezonin e shkuar aktualisht është pa ekip.
Loading ...
Leave a Reply
You must be logged in to post a comment.