Stoli i Kosovës është i “boshatisur” që prej largimt të Primoz Gliha. Ky i fundit u shkarkua nga Federata e Futbollit të Kosovës menjëherë pasi përfunduan ndeshjet kualifikuese të Euro 2024.
Prej ditësh tashmë në Kosovë po përflitet për emra të ndryshëm si kandidatë për të marrë në dorë “frenat” e “Dardanëve”. Drejtuesit po punojnë me qetësi për gjetjen e një trajenri të ri.
Mes emrave të kandidatëve janë Ilir Daja, Gianni De Biasi, Lorik Cana apo Besnik Hasi. Por jo vetëm kaq, pasi ditën e djeshme u përfol lart e poshtë se një emër i njohur i trajningut holandez mund të merrte përgjegjësinë e përfaqësueses së Kosovës. Bëhet fjalë për Phillip Cocu.
Në lidhje me këtë situatë ka bërë një postim në rrjetet sociale trajneri i njohur kosovar, Ismet Munish. Ky i fundit ka “ironizuar”, teksa ka theksuar se edhe Carlo Ancelotti ka shprehur dëshirën për të drejtuar Kosovës.
“Nxehet gara për selektorë. Ancelotti shpreh dëshirën e tij të madhe për stolin tonë”, ka shkruar Munishi në “Facebook”.
[caption id="attachment_713379" align="alignnone" width="1125"]
Postimi i Ismet Munishit[/caption]
Lexo gjithashtu
