Shkumbini pritet të jetë një nga skuadrat pretendente për ngjitjen në Kategorinë e Parë në sezonin e ri. Skuadra peqinase vetëm pak ditë më parë është bërë me investitorë të rinj, teksa tashmë punë ka nisur me vrull.
Përveç punës që po bëhet pë ndërtimin e skuadrës, drejtuesit po punojnë fort edhe me stadiumin, i cili do të jetë “shtëpia” e skuadrës peqinase në sezonin e ri.
“Infrastruktura është prioriteti i radhës i drejtuesve të rinj, të cilët dëshirojnë t’i japin një fytyrë tjerër Shkumbinit në çdo drejtim.
Këto ditë me inspektim të vazhdueshëm dhe biseda me punonjësit e mirëmbajtjes së terreneve u bë e mundur evidentimi dhe ndërhyrja në fushën e stadiumit.
Brenda pak ditësh do të ndërhyhet në kushtet e brendshme të stadiumit, dhomat e zhveshjes së lojtarëve dhe gjyqtarëve dhe në mjediset e tjera mikpritëse”, thuhet ndër të tjera në njoftimin e postuar nga skuadra e Shkumbinit.
[caption id="attachment_702119" align="alignnone" width="749"]
Foto e stadiumit te Shkumbinit/ © Credits facebook.com/KsShkumbini[/caption]
Lexo gjithashtu
