Humbja e rëndë me Atletico Madridin në finalen e Superkupës së Europës me Realin ka rihapur ccështjen delikate të gjetjes së një sulmuesi të aftë për “Los Blancos”. Largimi i Cristiano Ronaldos drejt Juventusit ka krijuar një boshllëk që ende nuk është plotësuar nga kampionët e Europës.
Në këtë mënyrë shfaqen 3 alternativa për të cilat madrilenët mund të tentojnë.
I pari është sulmuesi argjentinas Mauro Icardi. Kapiteni i Interit është njëri prej sulmuesve më të mirë në qarkullim dhe ka statistika të frikshme (100 gola në 159 takime), por zikaltërit i kanë refuzuar gjithmonë kërkesat e palës spanjolle për t’u dhënë lojtarin më të mirë. Kandidati i dytë është spanjolli i Valencias Rodrigo. Mesfushori i krahut i “lakuriqëve të natës” ka shënuar 16 gola sezonin e fundit dhe konsiderohet njëri prej futbollistëve më të mirë të La Ligas. Dhe i fundit është gjermani Timo Werner. Sulmuesi i Leipzigut është njëri prej talenteve më premtues të futbollit gjerman.
Benzema, Bale, Asensio nuk premtojnë një numër të madh golash për madrilenët, prandaj gjetja e një sulmuesi që shënon rregullisht do t’i zgjidhte shumë probleme teknikut Julen Lopetegui.
Loading ...
