Argjentina triumfoi në finalen e Kupës së Botës ndaj Francës, ku “ruleta ruse” vendosi edhe fituesin e botërorit. Angel Di Maria ishte një nga lojtarët protagonist në finale, ku fitoi një penallti që u shndërrua në gol nga Lionel Messi, ndërsa më pas gjeti rrugën e rrjetës për të çuar shifrat 2-0. Pas këtij triumfi, sulmuesi i Juventusit ka dashur të perjetësojë në trupin e tij trofeun e Kupës së Botës, ku në këmbën e djathtë ka bërë tatuazhin e veçantë. Në këtë mënyrë ish-lojtari i PSG-së ka shtuar numrin e tatuve në trup, dhe me siguri ky i Kupës së Botës do të mbetet i preferuari i tij gjithmonë.

Di Maria’s new tattoo pic.twitter.com/YUAwBFCY60

— All About Argentina (@AlbicelesteTalk) December 24, 2022