Edhe sa futbollistë duhet të shkojnë në spital për një ndeshje futbolli?
Përfundimisht duhet të merren masat e rrepta të Komisionit Disiplinor pranë FFK-së, pas ngjarjeve të turpshme që po ndodhin në futbollin kosovar kur një skuadër me çdo kusht dhe pa zgjedhur mënyrën për të ardhur te pikët e plota.
Këtë herë ngjarja ndodhi në Ligën e Parë, viktima ishte Kek-u, kurse veprën e bënë lojtarët e Vëllaznimit.
Ardian Hoti dhe Arbër Pirra të Kekut janë shtruar në spital ku po trajtohen nga mjekët për shkak se pësuan lëndime serioze në ndeshjen e zhvilluar në Gjakovë e që përfundoi pa fitues 3:3.
Hoti u qëllua në kokë në momentin kur ishte pa top, kurse Pirra ka marr lëndim serioz në kyçin e këmbës së djathtë pas së cilës është konstatuar se ka pësuar frakturë.
Gjërat nisën të përkeqësohen kur miqtë dy herë ishin në epërsi të rezultatit, dhe kjo nuk u konvenonte aspak gjakovarëve të cilët nisën të aplikojnë futboll shumë të ashpër me ç’rast lojtarët (shih foton), erdhën në këtë gjendje.
Po presim se cili do të jetë vendimi i FFK-së, pas kësaj ngjarje të tmerrshme që po ndodh sërish nëpër fushat tona sportive, kur dikush duhet të shkoj në spital prej tjetri po deshka të fitonte me çdo kusht. Ky akt i dhunshëm duhet të dënohet.
Loading ...
