Valon Berisha ka pësuar një dëmtim "horror" në ndeshjen e djeshme ndaj kampionëve të Fracës, Lille. Mesfushori shqiptar e nisi takimin si titullar, por u zëvendësua pas vetëm 8 minutash, ndërsa Reims u mposht me rezultatin 2-1.
Përmes një postimi në rrjetet sociale, Valon Berisha ka treguar këmbën e tij të gjakosur dhe me 6 qepje, ndërsa rrezikon të mungojë edhe për ndeshjet e muajit tetor që Kosova do të luajë për kualifikueset e Kupës së Botës.
"Jashtë për pak, por për t'u kthyer më i fortë", shkruan Valon Berisha në postimin e tij.
Kosova do të luajë Suedisë më datë 9 tetor në transfertë, ndërsa 3 ditë më vonë presin Gjeorgjinë "Fadil Vokrri". Aktualisht, Kosova renditet në vendin e 4-të me 4 pikë pas 5 ndeshjeve të luajtura.
Poll
Lexo gjithashtu
