Jude Bellingham është një nga lojtarët fantastik, i cili ka bërë pëer vetë të gjithë tifozët në “Santiago Bernabeu”. I mahnitur për paraqitjet e anglezit është edhe Carlo Ancelotti.
20-vjeçari ka shënuar 8 gola dhe 3 asiste, më mirë se çdo lojtar tjetër në Real Madrid. E duke marrë parasysh formën e jashtëzakonshme që po kalon anglezi, Ancelotti u pyet pas ndeshjes me Napolin nëse është i sigurt se Bellingham ka vetëm 20 vite.
“Jo, nuk jam i sigurt. Do të duhet të kontrolloni pasaportën e tij. Lojtar fantastik, karakter i fortë, personalitet.
Unë jam vërtet i befasuar nga Bellingham, është e vështirë të gjesh një 20-vjeçar me karakter dhe personalitet kaq të fortë. Fantastike që ka nënshkruar për ne”, deklaroi Ancelotti.
Në sfidën me Napolin, Bellingahm shënoi një gol dhe asistoi në një rast tjetër duke ndihmuar madrilenët të triumfonin 3-2.
Lexo gjithashtu
