Eduart Rroca u prononcua pas ndeshjes me Partizanint (1-1) për herë të fundit si lojtar i Luftëtarit. Ai rrëfeu arsyen se përse zgjodhi Kukësi si ekipin e ardhshëm. Rroca theksoi se do të ishte i kënaqur nëse sulmuesi Vasil Shkurtaj do t’i bashkohej atij te Kukësi.
“Do më mungojnë shumë. I falenderoj lojtarët, presidentin dhe tifozët. E them se kjo është shtëpia ime, përfundimisht.
Po shkoj te Kukësi sepse dua të bëj një hap të madh për karrierën. Ekipe të tilla të lejojnë të shprehen më mirë dhe të luftosh për titull. Kukësi i promovon dhe lojtarët e rinj.
Nuk ka qenë vendim i marrë tani. Kemi patur dhe kontate nga ekipe të tjera, por pranova sepse Kukësi më kërkonte më shumë.
Në tabelën e klasifikimit, Luftëtari nuk është mirë në renditje, prandaj doja të luaja sa më mirë.
Shkurtaj duhet ta vendosë vetë. Për mua është kënaqësi që ai të vijë te ne”, u shpreh Rroca.
Loading ...
