Flamurtari do të nisë ditën e nesërme seancat stërvitore për këtë vit të ri kalendarik.
Skuadra vlonjate do i japë fund pushimeve dhe neseër, të gjithë futbollistët do të vendosen në urdhrat e trajnerit Gentjan Mezani.
Pas procesit rutinë të llogaritjes së peshës së çdo lojtari, stafi tekenik do të zbatojë programin stërvitor të parashikuar për këtë javë të parë të stërvitjes pas pushimeve.
Por, dilema është nëse Flamurtari do të vijojë përgatitjet në Vlorë apo do të udhëtojë jashtë vendit. Drejtuesit e klubit kanë përmendur Antalian si opsion të mundshëm ku ekipi mund të kryejë një mini-fazë përgatitore. Fakti që ka vetëm pak ditë në dispozicion para se të nisë faza e tretë e Superligës, ka bërë që drejtuesit e klubit të mendojnë se kjo kohë është e pamjaftueshme për të kryer në Turqi përgatitjet dimërore.
Kampionati rinis më 22 janar dhe me shumë mundësi, Flamurtari do të qëndrojë në Vlorë. Përgjigjja finale për këtë dilemë do të mësohet brenda kësaj jave, ndërsa stafi teknik do t’iu komunikojë futbollistëve vendimin e klubit për vendin ku do të zhvillohet mini-faza përgatitore.
Loading ...
