Juventusi ka triumfuar në transfertë përballë Frosinones. Ndeshja e vlefshme për javën e 17-të të Serie A përfundoi me rezultatin 1-2 në favor të miqve. Me këtë fitore Juventusi mbetet në vendin e dytë me 40 pikë, një më pak se Interi i vendit të parë, por zikaltërit kanë edhe një ndeshje më pak.
Pas kësaj sfide në një konferencë për shtyp para mediave ka folur trajneri i “Zonjës së Vjetër”, Massimiliano Allegri. Italiani shprehet se zhvilluar një ndeshje të mirë madje duke theksuar se vetëm Napoli ka fituar në transfertën e Frosinones.
“Skuadra luajti një ndeshje të mirë, vetëm Napoli kishte fituar në Frosinone. Nuk ishte e lehtë sepse janë shumë të mirë dhe ka një ambient magjik. Në pjesën e parë krijuam shumë, pastaj në pjesën e dytë ramë pak, por kjo është normale. Kemi pasur një reagim të mirë, por duhet të vazhdojmë të punojmë. Sigurisht që po i afrohemi objektivit të Champions League. Jam i lumtur për Yildiz dhe Vlahovic, por në përgjithësi për të gjithë ekipin. E solla Weah sepse kishte nevojë për dikë si ai që ishte i freskët”, është shprehur Allegri.
Lexo gjithashtu
