Nora Gjakova fitoi medaljen e artë në disiplinën e xhudos për peshën deri në 57kg. Pas Distria Krasniqit pak ditë më parë, sot ishte radha e një tjetër xhudiste kosovare që të fitonte medaljen e artë. Nora Gjakova mposhti në finalen rivalen e saj franceze dhe I solli Kosovës medaljen e dytë në këto Lojëra Olimpike dhe të 3-të në përgjithësi.
Pas këtij suksesi ka reaguar edhe presidentja e Kosovës, Vjosa Osmani. Përmes një postimi në rrjetet sociale, Osmani shkruan se Nora i solli dritë Kosovës në këtë ditë zie pasi ditën e djeshme 10 qytetarë në Kosova humbën jetën pas aksidentit tragjikë të ndodhur në Kroaci.
“Në këtë dite zie për popullin tonë, Nora Gjakova i solli dritë Kosovës.
Faleminderit Nora e artë, që duke ecur rrugës së Majlindës e Distrias po i jepni motiv një populli të tërë për t’u ringritur edhe në vështirësi. Xhudistet tona po arrijnë majat që shumë shtete i kanë ëndërruar. Ato janë epiteti më i mirë i Kosovës së ditëve tona. Përzemërsisht, ju faleminderit”, shkruan presidentja Vjosa Osmani.
Loading ...
