Renato Malota ka firmosur ditën e djeshme me klubin e Vllaznisë. Ish-mbrojtësi i Partizanit vendosi të vijonte aventurën në Shkodër pas largimit nga të kuqtë.
Para nisjes në Ulqin, vend ku do t'i bashkohet Vllaznisë për fazën përgatitore, shtatlarti lezhjan ka dhënë një intervistë për faqen zyrtare të klubit.
-Malota, si e pritët ofertën e drejtusve të Vllaznisë për t'u veshur kuqeblu?
Oferten e Vllaznisë e prita shumë mirë sepse për mua ka qe Vllaznia është një nga ekipet më të mëdha në Shqipëri dhe gjitha të zjarrta në vend.
-A do ta kesh të vështirë të përshtatesh me me lojtarët e tjerë të mbrojtjes?
Si gjithmonë fillimi është i vështirë por do mundohemi të përshtatemi me njëri- tjetrin sa më shpejt për të krijuar atë stabilitetin në mbrojtje që i ka munguar kësaj skuadre, do thoja unë.
-Cili është mendimi juaj për gjendjen e Vllaznisë?
Për mendimin tim, Vllaznia ka kaluar një periudhë të vështirë këto kohë por mendoj me afrimet që po bën, do të shkojë aty ku i takon të jetë.
- Premtimi juaj për tifozët shkodranë?
Nuk dua të bëj premtime për momentin pasi çdo gjë është fusha ajo çka e tregon. Por unë dua t'i them se do jap më të mirën time, gjithmonë në mënyrë që vllaznia të rikthehet aty ku i takon.
Lexo gjithashtu
