Në 28 Nëntor do të zhvillohet një ndeshje miqësore mes Shqipërisë dhe Kosovës, në basketboll për meshkuj.
Në nder të ditës së flamurit, Federata Shqiptare e Basketbollit ka vendosur që sfida të zhvillohet në Shkodër, të enjten e ardhshme në orën 17:00. Skuadra kosovare do të drejtohet nga Bujar Loci, ku do të tentojë një rezultat pozitiv. Edhe pse një miqësore vëllazërore, në parket do të hyhet gjithmonë për të fituar.
Kosova dhe Shqipëria kanë zhvilluar shumë ndeshje miqësore ndërmjet tyre, ku së fundi u përballën në korrik të këtij viti në Prishtinë, teksa në të dyja ndeshjet fituan Dardanët.
