Një lajm i keq për Madridin, por veçanërisht për tifozët e Atletico Madrid. Sulmuesi Fernando Torres ka lajmëruar se në fund të këtij sezoni do të largohet nga skuadra e Atleticos.
Hapësirat e pakta në formacion kanë bërë që lojtari i njohur t'i japë fund aventurës së tij me skuadrën e Simeones. Për tifozët ai ka njoftuar:
"Bëj me dije se ky është sezoni im i fundit në këtë klub dhe duke parë rrethanat, mendoj se kjo është gjëja më e mirë. U ndjeva i detyruar që të njoftoja tifozët që më kanë mbështetur gjithmonë. Na mbeten bashkë vetëm një muaj e pak dhe dua që të më shoqërojnë në këtë periudhë.
Po largohem sepse dua të luaj dhe këtu nuk po gjej më hapësirë. Unë doja të tërhiqesha si lojtar i Atleticos, por këtë vit kam luajtur më pak se më parë. Ndihem i fuqishëm për të luajtur ende. Nuk e di edhe për sa kohë, por ndihem mirë dhe do të kërkoj të luaj diku tjetër", ka përfunduar ai.
Lexo gjithashtu
