Gjykata e Tiranës ka kaluar për gjykim çështjen e të miturit Mario Përlleshaj, i akuzuar për vrasjen e bashkëmoshatarit të tij, Martin Cani.
Gjithashtu gjykata ka refuzuar kërkesën e avokatit të të miturit për të përfituar gjykim të shkurtuar, duke vijuar kështu një proces të rregullt gjyqësor.
14-vjeçari Mario Përlleshaj do të gjykohet për veprën penale “Vrasje në rrethana cilësuese” ndaj dy ose më shumë personave.
Pas përfundimit të seancës, shoku i Martin Canit, i cili gjithashtu mbeti i plagosur në atë ngjarje, Luis Meçja ka folur për mediat duke pohuar se është i gatshëm të dëshmojë në gjyq.
“Nuk e kam përjetuar mirë seancën, por dua të them se kërkojmë drejtësi. Jam gjithnjë i gatshëm të dëshmoj në gjyq nëse më kërkohet”, tha ai.
Ngjarja e rëndë që tronditi mbarë opinionin publik ka ndodhur mesditën e 18 nëntorit 2024 pak metra larg shkollës 9-vjeçare “Fan Noli” në kryeqytet. Gjatë një konflikti me Mario Përlleshajn, 14-vjeçari Marin Cani mbeti i vrarë pas një goditje me thikë në zemër, ndërsa i plagosur mbeti dhe miku i tij Luis Meçja.
Lexo gjithashtu
