Stefano Pioli ka folur për mikrofonat e Mediaset në Euroderby. Trajneri ka theksuar se situata është e komplikuar, kjo sepse Milani vjen nga disavantazhi në ndeshjen e parë ku u mund me rezultatin 2-0.
"Djemtë e dinë se kanë një ndeshje shumë të rëndësishme ku duhet të vënë gjithçka në të. Ne kemi nevojë për një ndeshje të jashtëzakonshme nga shumë këndvështrime.
Leao? Sigurisht ai ndihet si një lider i ekipit. Qëndrimi i tij është rritur. Ne duhet të rritemi mirë si ekip duke përfituar nga fakti që Rafa mund të kaloj kundërshtarin me goditjet e tij.
Messias apo Saelemaekers? Midis Junior dhe Saelemaekers karakteristikat nuk ndryshojnë aq shumë, Junior na jep diçka më shumë për topat e vdekur që janë shumë të rëndësishëm.
Ne besojmë në këtë përballje se mund ta fitojm, kemi luajtur ndeshje të shkëlqyera dhe e dimë se mund ta bëjmë dhe këtë”, tha Pioli.
Lexo gjithashtu
