Ish-Miss Kroacia, Ivana Knoll, e cila u bë shumë e njohur gjatë Kupës së Botës 2022, para pak ditësh njoftoi se do të jetë sërish në stadium për Kampionatin Europian.
Modelja nga Kroacia, Ivana është një fanse e zjarrtë e Kombëtares së vendit të saj, dhe u bë e njohur si tifozja më seksi e futbollit.
Fansat do të jenë në gjendje t’a shohin sërish tifozën më seksi të futbollit në stadium, me veshjet e saj provokuese, por pasi ka mbërritur në Gjermani, aty ku do të zhvillohen ndeshjet për Euro 2024 ajo është shprehur e shqetësuar.
Knoll ka disa ankesa në lidhje me akomodimin në dhomën e hotelit ku po qëndron në Berlin. Këtë e ka zbuluar vetë ajo përmes postimeve në rrjetet sociale, ku shkruan:
“Kam paguar mijëra për ‘hotelin më të mirë’ në Berlin dhe dhomat janë të vjetra, kondicioneri nuk punon, palestra dhe pishina janë në ndërtim. Nuk jua rekomandoj”.
Bukuroshja shton se ka paguar 650 euro për një natë dhe është e zhgënjyer nga çdo gjë.
“Kam paguar 650 euro për një natë dhe çmimi përfshin dhomë të vjetër pa kondicioner, palestra dhe pishina nuk janë të disponueshme për shkak të renovimeve dhe për më tepër, menaxheri është i papërshtatshëm”- shkroi ajo në një video ku tregon si duket dhoma e saj.
Ndërsa në një intervistë një javë më parë e pyetur në lidhje me veshjet provokuese dhe seksi që do veshë gjatë ndeshjeve, ajo tha se “Nuk e di ende saktësisht se çfarë do të vesh. Ndoshta do të kem ide spontane”, ka thënë Ivana.
Lexo gjithashtu
