Kroacia bëri mrekullinë duke eleminuar rivalin kryesor për fitimin e Kupës së Botës, Brazilin.
Një ndeshje spektakole, ku nuk mjaftuan 90 minutat për të vulosur kualifikimin. Në kohën shtesë me golin e Neymar çdo dukej sikur po merrte fund, dhe fati do t’i buzëqeshte Brazilit. 3 minuta nga fundi ishte Petkovic që me një goditje të devijuar arrinë të ndalet në fund e rrjetës së Alison.
Çdo gjë u drejtuar penalltive ku Kroacia nuk gaboi në asnjë gjuajtje, e ndërsa Brazili, humbi dy të tilla me Rodrygo dhe Marquinhos. Festa ishte e gjitha për kroatët, pasi arritën atë që shumë pak mund ta besonin, eleminimin e Brazilit.
Modric ka folur në fundin e takimit duke ironizuar dhe me Rodrygon, shokun e tij të ekipt te Real Madrid, që tashmë i detyrohet një falenderim. Kroacia do të mësojë në darkë kundërshtarin në gjysëmfinale, pasi fituesja e çiftit Argjentinë – Hollandë do të ndeshet me to.
Deklarata:
“Askush nuk e besonte se mund të shkonim kaq larg. Por ne kishim besim në vetvete. Kemi një ekip shumë të mirë, me të rinj që kanë cilësi. Të fitosh kështu të jep një lumturi të jashtëzakonshme dhe më shumë besim për atë që vjen.
Ishim thuajse të eliminuar kur shënuan, mendoj se të gjithë na menduan të vdekur. Por kemi treguar edhe një herë tjetër që nuk dorëzohemi kurrë, që besimi ynë është i pamasë. Në fund, te gjuajtjet e penalltive, qartësisht që kemi besim. Kur e nis duke shënuar dhe ata gabojnë, të jep më shumë besim. Kishim mentalitet të fortë.
Livakovic? Ka qenë përsëri mbresëlënës, por jo vetëm gjatë penalltive. Gjatë gjithë ndeshjes ka bërë 2-3 pritje shumë të mira. Është një portier i madh. Gëzohem për të, është një djalë fantastik. Tani duhet të pushojmë, na pret një tjetër ndeshje e madhe në gjysmëfinale.
Gabimi i Rodrygo? Mund t’i ndodhë kujtdo, por duhet përgëzuar Rodrygo pasi të gjuash një penallti në këtë ndeshje, tregon forcë dhe mentalitet. Të gjithë mund të gabojnë, këtë e kam thënë. Nuk është e lehtë, por kjo do ta bëjë më të fortë. Do t’i japë më shumë eksperiencë dhe forcë që të vazhdojë, unë gëzohem për vendin tim, për Kroacinë, pasi jemi në gjysmëfinale”, theksoi Modriç për mediat në fund të sfidës.
Loading ...
