Spanja u eliminua nga Maroku në fazën e 1/8-tave të KUpës së Botës. Pas kësaj humbje i erdhi fundi edhe rrugëtimit të Luis Enriques në krye të “Furisë së Kuqe”. Ish-tekniku i Barçës është rikthyer të flasë përsëri për kampionatin botëror.
Edhe pse Maroku i mposhti në Katar 2022, 52-vjeçari shpreson që marokenët t’i shikojë fitues të trofeut në fund, ndërsa theksoi se nuk dëshiron finalen “deja-vu” të Rusi 2018.
“Kritikat? Unë iu them gjithnjë lojtarëve të mi se ata që kritikojnë, janë edhe admiruesit e tyre më të mëdhenj. Janë persona që flasin pas një ekrani dhe shfryhen aty. Unë besoj se ata njerëz na duan, por nuk e kuptojnë dëmin që shkaktojnë.
Finalja e Botërorit? Unë nuk dua një përsëritje të Kroaci-Francë. Shpresoj që turneun ta fitoj Maroku, ndjej që Spanja humbi një shans të madh sepse kishim një grup shumë të mirë futbollistësh. Shoh skuadrat që janë në gjysmëfinale, dhe kuptoj që askush nuk është më i mirë se ne, më vjen keq për futbollistët.
Jemi përpjekur që t’i bindnim lojtarët që kishin një mundësi të shkëlqyer për të fituar dhe në fazën e parë treguam një nivel të mirë. Pastaj kundër Marokut ishte e vështirë të shënoje gol, por ishte faji im”, tha Luis Enrique.
Lexo gjithashtu
