Enea Jorgji është kryesori i ndeshjes Rakow – Atalanta, që aktualisht po fitohet nga italianët 0 me 2. Në ndeshjen e raundit të gjashtë, të vlefshme për grupin D të Europa League, Jorgji deri tani ka pasur ndeshje pa probleme pasi nuk ka ndëshkuar askënd.
Krenar për arritjen e Jorgjit, që vazhdon të arbitrojë në skenën ndërkombëtare është shprehur dhe moderatori Edi Oga. Duke qenë dhe kunati i tij ai shkruan: “Të shohësh kunatin "të luajë" tek Sky Sport UNO të jep kënaqësi të dyfishtë! Tjetër sukses/rekord i Eneas dhe ndihmësave të tij shqiptarë në Europë! Listës së gjatë të kombëtareve dhe klubeve prestigjoze që Enea ka gjykuar, sot i shtohet edhe Atalanta”.
Golat për Atalantën ndërkohë u shënuan nga Bonfanti dhe Muriel. Tashmë është minuta e 30 e sfidës, teksa kujtojmë që Gjimshiti nuk ka udhëtuar me skuadrën. Atalanta ndodhet aktualisht e para me 14 pikë.
Lexo gjithashtu
