Mesfushori beratas, i cili u shkëput nga skuadra e Laçit për t’iu bashkuar Korabit në merkaton e verës, tregon arsyet pse erdhi në këtë ekip dhe cilat janë synimet. Veliaj tregohet i sinqertë duke thënë se Korabi lufton për mbijetesën këtë vit, ndërsa ndjehet komod, pasi në krah do të ketë të njëjtët shokë që ka pasur në radhët e bardhezinjve.
“Jam i lumtur që kjo marrëveshje u arrit shumë shpejt. Ofertat nuk kanë munguar, por ajo e drejtuesëve dibranë ishte më e mira. Drejtuesit po zhvillojnë merkato mjaft të mirë dhe të studiuar, e cila na frymëzon dhe ne si futbollistë që të kemi të tjera synime, përpos qëndrimit në Superiore. Janë afruar lojtarë me eksperiencë dhe me mjaft peshë në skuadër”.
“Kjo është sfidë e re për mua. Fakti që me lojtarët e tjerë njihem dhe kemi afrimitet, na krijon komoditet. Përshtatja nuk do të jetë problem për ne. Shpresoj se do të realizojmë kampionat të bukur duke realizuar objektivat e klubit”, tha Emiljano Veliaj për “Panorama Sport”.
Loading ...
Leave a Reply
You must be logged in to post a comment.