Lojtari i Egnatias, Emiljano Musta foli për Oversport pas fitores së rrogozhinasve. Mbrojtësi i majtë ishte autor i golit të 3-të që vulosi 3 pikët të cilat i sigurojnë matematikisht Europën ekipit të tij.
Jam shumë i lumtur, më shumë për 3 pikët sesa golin. Arritja e Europës është fantastike pasi kemi punuar gjithë vitin dhe e arritëm me sukses. Futbolli është konkurent dhe duhet të pranojmë edhe stolin. Kur nuk e humb ritmin, fusha është aty. Fusha e lojës tregon kush e meriton fanellën e titullarit.
E ardhmja? Kam edhe një sezon kontratë. Rritje rroge? Kush nuk do rritje rroge (qesh). Presidenti Demorzi ëhstë nga më të mirët në Shqipëri. Po bën një punë të shkëlqyer, na mbështet në çdo moment. Egnatia është një realitet mjaft i bukur. Unë Malota dhe Sherri kemi qenë të parët që kemi besuar në këtë projekt dhe shumë ishin skeptik. Koha na dha të drejtë. Kemi bërë një punë dhe arritje mjaft të madhe.
Lexo gjithashtu
