Fitorja e Atalantës 3-0 kundër Juventusit nuk ka kaluar pa bujë në Itali. Bergamaskët dhanë leksione falas për kampionët në fuqi të Italisë, duke siguruar gjysëmfinalen e Kupës së Italisë. Kjo paraqitje është përshendetur edhe nga ish-trajneri i kombëtares shqiptare, Gianni de Biasi, i cili ka përgëzuar lojën e dy ish-futbollistë të drejtuar prej tij, Berat Djimsiti dhe Etrit Berisha.
"Ka pak për të analizuar në këtë humbje të rëndë të Juventusit, pavarësisht humbjes prej 3-0. Gjithsesi unë nuk do të bëja dramë, sepse nuk ka humbur një lojë për një kohë të gjatë. Kjo humbje nuk mund të demoralizojë mjedisin e Juventusit, pasi kemi parë një super Atalanta në anën tjetër. Bergamaskët kanë një skuadër të re në moshë, por me talent. Mjafton të shikosh Etrit Berishën dhe Berat Djimsiti. Hekur! Nuk të lënë hapësira dhe çështë më e bukura zbatojnë në përpikmëri urdhët e Gasperinit."-ishte komenti i De Biasit për mediat italiane.
Lexo gjithashtu
