Trajneri i kombëtares shqiptare, Thomas Strakosha ishte padiskutim heroi i Lazios, në çerekfinalen e Kupës së Italisë. Gardiani kuqezi ishte deciziv në ruletën ruse përballë Interit, duke pritur njëmbëdhjetë metërshin e Politano dhe Nainggolan. Paraqitje që i dha një biletë bardhekaltërve për në raundin gjysëmfinal të turneut, diçka që për Strakoshën është një emocion i madh.
"Ne e meritojmë gjysmëfinale Jemi shumë të lumtur. Ne gjithmonë besojmë në veten tonë dhe e tregojmë atë në çdo garë. Të dielën e kaluar erdhi një humbje të pamerituar, por ne treguam ne jemi një skuadër e madhe, fituam në kupë. Ne mendojmë se këtë mund ta bëjmë edhe në çdo kompeticion. Ne me të vërtetë besojmë."
Me Juventus dhe Napoli të eliminuar, Lazio është e favorizuar për fitoren e Kupës Italiane? Kemi dhënë gjithmonë maksimumin. Gjithmonë japim më të mirën prej vetes. E duam finalen pasi në Kupën e Italisë kemi treguar se jemi të fortë. Ndaj Milanit shpresoj për një hakmarrje edhe pse nuk do të jetë aspak e lehtë, pasi ne nuk kemi frikë (qesh)"-tha Strakosha për mediat italiane.
Lexo gjithashtu
